坦白講呢個做法喺呢兩年感覺上common咗，不過好多時，都係因為有決心加入或轉入某一行，但讀書時又儲唔夠相關經驗，又或者CV真係一遍空白先會咁做。喺呢個位上，可能需要衡量下你現有個offer，會唔會好影響你之後成條path，令你冇可能抽身做返自己想做嘅嘢，e.g. 政府或紀律部隊類；還是相反嘅，其實都仲有時間可以develop自己某方面嘅興趣，令你之後都可以朝向果方面發展，甚至一邊做，一邊繼續報工搵工轉工都okay嘅。 

至於第二個問題，我諗對HR concern相對較細，因為畢業做Intern，絕對唔係hea咗啲時間去，HR都會諗下呢個candidate咁做嘅背後原因係咩 – 想轉行？想深造後aim個更好嘅offer？只要你解釋得到，絕對係一個好機會俾你去表現自己。